Një emigranti në Pukë i ka kushtuar me grabitje zemërgjerësia për të marrë në automjetin e tij një të panjohur. Ngjarja ka ndodhur në Gomsiqe të Pukës.

Policia thotë se “shtetasi M. N, banues në Vau Dejës (emigrant)  ka deklaruar se në Gomsiqe, Pukë ka qënë duke udhëtuar me mjet, ku në momentin që ka ndaluar, një shtetas i pa identifikuar, të cilin e kishte marrë pasagjer i ka marrë me forcë  portofolin, në të cilin kishte dokumentet, rreth 250 euro dhe 1500 leke”, shkruan ora news. 

Nga hetimet e bëra nga strukturat e Komisariatit të Policisë Pukë për rastin e vjedhjes me dhunë në Gomsiqe, është bërë e mundur identifikimi dhe shpallja në kërkim e shtetasit E. N. 40 vjeç, lindur në Karmë dhe banues në Tiranë, i denuar me parë për veprën penale të “Vjedhjes”

Materialet iu referuan Prokurorisë së Rrethit Gjyqësor Pukë për veprat penale “Vjedhja me dhunë” “Kanosja”.